Ordu.az “RİA Novosti” agentliyinə istinadən xəbər verir ki, bu barədə Yunanıstanın xarici işlər naziri Nikos Kotzias açıqlama verib.

Son zamanlar mətbuatda ABŞ nüvə silahının Yunanıstan ərazisində yerləşdiriləcəyinə dair məlumatlara fikir bildirən nazir bildirib: “Belə mövzu mövcud deyil. Bu, müzakirə olunmur”.

O, həmçinin qeyd edib ki, Vaşinqtonla Suda körfəzində yerləşən bazaya görə, hər il yeni bir illik müqavilə imzalanır. Avqust ayında sözügedən müqavilə 2018-ci ilin noyabrına qədər uzadılıb. Lakin, nazir ABŞ səfərindən sonra vəziyyətin dəyişməsinə dair məlumatların həqiqəti əks etdirmədiyini deyib.

“Hazırda, nə nüvə silahının yerləşdirilməsi, nə də “Suda” bazası müzakirə mövzusu deyil”, - deyə Kotzias bildirib.

Ağalar Qəribov
Ordu.az