Ordu.az-ın xəbərinə görə, materialda qeyd olunub ki, Türkiyə Prezidenti Rəcəb Tayyib Ərdoğan tədbir iştirakçılarına müraciət ünvanlayıb. O, məktubunda bir daha türk dövlətləri arasında əməkdaşlığın artırılmasının vacibliyini qeyd edib. Qardaş ölkənin rəhbəri həmçinin 1926-cı ildə keçirilən və türk dünyasının elmi tarixində dönüş nöqtəsi hesab edilən Bakıda keçirilən Birinci Türkologiya Qurultayının əhəmiyyətinə toxunub.


Ərdoğan qurultayda iştirak edən ziyalıların məsləhətləşmələri və qərarları ilə qətiyyətli iradə və uzaqgörənlik nümayiş etdirdiklərini vurğulayıb.

Ərdoğan həmçinin Azərbaycanın bu gün də türk dövlətlərinin ortaq məqsədlərinə töhfə verməyə davam etdiyini bildirib.

Ordu.az