Ordu.az xəbər verir ki, bu barədə “Sputnik Georgia” məlumat yayıb.

Papuaşvili bildirib ki, Ermənistanda seçkilər ərəfəsində onlarla müxalif siyasətçi həbs olunub, lakin Avropa İttifaqı bu faktla bağlı heç bir reaksiya verməyib.

O qeyd edib ki, hər hansı şəxs cinayət törədibsə, onun həbs olunması hüququn aliliyinin tələbidir.

Gürcüstan parlamentinin sədri vurğulayıb ki, əgər bu yanaşma Vaşinqton, Berlin və İrəvan üçün məqbul hesab olunursa, Tbilisi üçün də eyni şəkildə qəbul edilməlidir.

Papuaşvilinin sözlərinə görə, hər bir cinayət işi prokurorluğun ittihamına və Strasburq məhkəmə təcrübəsinə əsaslanır ki, bu da Gürcüstan ədliyyəsinin haqlı olduğunu təsdiqləyir.

Alpər Mövludoğlu
Ordu.az