Ordu.az xəbər verir ki, bunu ADA Universitetinin prorektoru, deputat Fariz İsmayılzadə Bakıda Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Akademiya və tədqiqat" adlı dəyirmi masada deyib.

Onun sözlərinə görə, ADA Universiteti hər il məcburi köçkünlər arasında sorğular keçirərək onların ehtiyaclarını, üstünlüklərini, peşə bacarıqlarını, iqtisadi vəziyyətlərini, gəlirlərini, ailə strukturunu və ən əsası, öz torpaqlarına qayıdıb yaşamaq, işləmək istəklərini öyrənir:

"Bu kompleks tədqiqat layihəsi məskunlaşma planlaşdırılması, yol infrastrukturu və ictimai xidmətlərin təşkil edilməsi üçün çox vacib məlumat bazası yaradıb. Fikrimcə, bu təcrübə olduqca uğurludur və digər ölkələr üçün də faydalı nümunə ola bilər. Xüsusilə, dövlət qurumlarının məlumat toplama prosesində universitetlərlə əməkdaşlığı effektiv və dayanıqlı yanaşmadır".

Ordu.az