Ordu.az xəbər verir ki, Heqset çıxışına Tramp administrasiyasının müdafiə ehtiyacları üçün təqdim etdiyi 1,5 trilyon dollarlıq büdcə sorğusunu əsaslandırmaqla başlayıb.

Onun sözlərinə görə, bu vəsait ABŞ-nin dünyanın aparıcı hərbi gücü statusunu qoruyub saxlaması üçün həyati əhəmiyyət daşıyır.

“Prezident Trampa illərlə “Amerika sonuncu yerdədir” siyasəti nəticəsində zəiflədilmiş hərbi-sənaye sistemi miras qalıb”, - deyə ABŞ müharibə naziri bildirib.

“Biz bu sistemli geriləməni dayandırırıq və hərbi-sənaye kompleksimizi yenidən müharibə dövrünün iş rejiminə keçiririk. 1,5 trilyon dollarlıq büdcə ABŞ-nin dünyanın ən güclü və döyüş qabiliyyətli silahlı qüvvələrinə sahib ölkə olaraq qalacağının təminatıdır”, - deyə Heqset vurğulayıb.

Sevinc Əliyeva
Ordu.az