Ordu.az xəbər verir ki, bu barədə “Times” nəşri məlumat yayıb.

“Times” nəşrinin daxili sənədə istinadən yaydığı məlumata görə, mövcud geyimlərin sinə hissəsində tikilmiş düymələr “uyğun olmayan şəkildə” yerləşdirilib.

Nəşr yazır ki, Kral Hərbi Dəniz Donanması qadın dənizçilər üçün yeni geyimlərə 200 min funt-sterlinqə qədər vəsait ayırmağı planlaşdırır, çünki mövcud dizaynda düymələrin yerləşməsi qəbuledilməz hesab olunur.

Qeyd olunur ki, düymələrlə bağlı problem qurumda onların qadınların döş ucları hissəsində yerləşdirildiyinin fərq edilməsindən sonra ortaya çıxıb.

Nəşrin məlumatına görə, bu qərar xüsusilə daha əvvəl Britaniya komandanlığına qənaət yolları tapmaq tapşırıldığı üçün hərbçilər arasında narazılıq yaradıb. Problem ondadır ki, qarşıdakı dörd il üçün müdafiə sahəsinin büdcəsində 28 milyard funt-sterlinqlik kəsir proqnozlaşdırılır.

Sevinc Əliyeva
Ordu.az