Ordu.az xəbər verir ki, yerli mənbələr Hörmüzqan əyalətinin Sirik şəhərində 40 saniyə fasilə ilə altı partlayışın baş verdiyini bildirib.

Yerli mənbələr həmçinin Qeşm adasında partlayışlar baş verdiyini qeyd edib. Saat 22:06-da adanın Bəhmən limanının 22-ci dayanacaq yerində güclü partlayış baş verib və nəticədə səma tamamilə işıqlanıb.

“Fars” agentliyinin Bəndər-Abbasda apardığı araşdırma göstərib ki, İran Silahlı Qüvvələri ilə qarşı tərəf arasında atışma zamanı Qeşm adasının Bəhmən limanının kommersiya hissələri zərbə altına düşüb.

Sevinc Əliyeva
Ordu.az