Ordu.az xəbər verir ki, bu barədə “RİA Novosti”yə Rusiya Prezidenti yanında Millətlərarası Münasibətlər Şurasının üzvü, politoloq Boqdan Bezpalko bildirib.

“Bütün bu sammitlər yalnız Ermənistanı Rusiyadan qoparmaq məqsədi ilə keçirilir. İndi bunun gələcəkdə Ermənistan üçün nəyə gətirib çıxaracağını demək çətindir, lakin əgər ölkə KTMT-dən və AİB-dən çıxsa, yaxud hər hansı Avropa ittifaqlarına, təşkilatlarına, layihələrinə daxil olmağa cəhd etsə, şübhəsiz ki, ÜDM-in bir hissəsini və suverenliyin bir hissəsini itirəcək”, - deyə Bezpalko bildirib.

Onun sözlərinə görə, Paşinyanın tərəfdarları öz dövlətlərini qərbpərəst xəttə yenidən yönəltmək üçün iqtisadi itkilərə və suverenliyin itirilməsinə getməyə hazırdırlar.

“Lakin İrəvanı böyük iqtisadi itkilər gözləyir. Avropada heç kim erməni məhsullarını gözləmir, Fransa və Almaniyada isə spirtli içkilərin, mineral suyun və meyvələrin öz istehsalçıları var.

Əgər Ermənistan rəhbərliyi düşünürsə ki, siyasi baxımdan Qərbə doğru hərəkət edəcək, iqtisadi baxımdan isə Rusiya ilə əməkdaşlıq edəcək, onda yanılır”, - deyə Bezpalko qeyd edib.

Alpər Mövludoğlu
Ordu.az