Ordu.az xəbər verir ki, bu barədə Ermənistanın “Past” nəşri “Zəngin tədbirlər, sıfır nəticə: Avropa sammitləri yalnız ziyan vuracaq” başlıqlı məqaləsində yazıb.

Nəşrə görə, Ermənistan-Avropa İttifaqı ilk sammitinin sonunda tərəflər münasibətlərin gücləndirilməsinə hazır olduqlarını bəyan ediblər.

“Lakin birgə bəyanat layihəsində diqqətçəkən ifadələr var ki, bunlar heç bir halda Ermənistanın və erməni xalqının maraqlarından irəli gəlmir. Xüsusilə, həmin Avropa İttifaqı Ermənistanın mümkün üzvlüyü məsələsinə toxunmur, heç bir zəmanət və ya vəd vermir, əksinə, Ermənistanla münasibətləri gücləndirmək barədə sarsılmaz öhdəliyini bir daha təsdiqləyir.

Tamamilə abstrakt bəyanatlarla dolu bu bəyanat Ermənistana heç bir müsbət fayda və praktiki imkan verməyəcək, əksinə, Rusiya və digər tərəfdaşlarla münasibətləri daha da korlaya bilər. Qeyd edək ki, Avropa İttifaqı liderləri də Azərbaycanla sülh prosesinə dəstək ifadə edəcəklər. Bir qrup (könüllü-red.) köç etmiş şəxs bu gün İdman-Konsert Kompleksinin yaxınlığında etiraz aksiyası keçirib, səsini ora və Ermənistana gələn avropalılara çatdırmağa çalışıb, lakin hakimiyyət onlara binaya çox yaxınlaşmağa imkan verməyib”, - deyə müəllif bildirib.

Məqalədə vurğulanıb ki, əslində, Ermənistanda keçirilən iki sammiti Paşinyan hakimiyyəti yalnız təbliğat məqsədləri üçün istifadə edib, bundan Ermənistanın maraqları heç bir şəkildə qorunmur.

“Əksinə, bu, bir daha göstərir ki, Avropa İttifaqı Ermənistandan sadəcə anti-rusluğun yayılması üçün plasdarm kimi istifadə etməyə çalışır”, - deyə nəşr bildirib.

Alpər Mövludoğlu
Ordu.az