Ordu.az xəbər verir ki, bunu Ermənistan Milli Arxivinin keçmiş direktoru, erməni tarix elmləri doktoru Amatuni Virabyan deyib.

Onun sözlərinə görə, əgər milli yaddaş unudularsa, erməni diasporu da yox olacaq.

“Bunlar olmasa, diaspor da olmayacaq. Ermənistan erməni diasporunun qorunması barədə düşünməyə borcludur. Əks halda hakimiyyətin bu addımları diasporun mövcudluğunu dayandırmasına gətirib çıxaracaq”, - deyə Virabyan qeyd edib.

Bu gün, xüsusilə hakimiyyətin bunu çox da önəmsəmədiyi, üstəlik diasporun bir sıra tanınmış nümayəndələrinin Ermənistana girişinə qadağa qoyduğu şəraitdə diasporun mövcudluğu üçün təhlükənin böyük olub-olmaması barədə suala Virabyan belə cavab verib:

“Burada məsələ ondadır ki, hakimiyyət öz kreslosundan, hakimiyyətdən yapışıb. Onlar üçün diaspor vacib deyil. Onlar üçün vacib olan 29 min kvadrat kilometr ərazidə daim hakimiyyətdə qalmaq, hakimiyyətin verdiyi nemətlərdən zövq almaq və istifadə etməkdir. Ötən gün məşəlli yürüş zamanı Türkiyənin bayrağını yandırdılar, bundan dərhal sonra gec saatda bəyanat verdilər. Bir sözlə, vəziyyət kədərlidir”.

Alpər Mövludoğlu
Ordu.az