Ordu.az xəbər verir ki, bu barədə erməni politoloq Suren Surenyants yazıb.

Onun sözlərinə görə, Türkiyə-Azərbaycan münasibətləri (strateji, enerji, hərbi və etnik-mədəni baxımdan) çox dərindir.

“Türkiyə üçün Azərbaycan təkcə müttəfiq deyil, həm də “bir millət - iki dövlət” layihəsinin mühüm hissəsidir. Ankara xüsusilə söhbət Ermənistandan gedəndə Bakını ciddi narahat edə biləcək addımları nadir hallarda atır.

Simonyanın bəyanatı Nikol Paşinyanın ardıcıl şəkildə irəli sürdüyü, guya regionda “sülh gündəliyi” formalaşdığı barədə siyasi tezisə birbaşa ziddir”, - deyə Surenyants qeyd edib.

O bildirib ki, Simonyanın sözləri əksini göstərir.

“Burada daha dərin ziddiyyət yaranır. Əgər İrəvan bir tərəfdən sülhə doğru getdiyini bəyan edir, digər tərəfdən isə öz yüksək vəzifəli rəsmisi həmin “sülh tərəfdaşı”nın başqa istiqamətdə normallaşmaya mane olduğunu bildirirsə, deməli dövlət yanaşmalarının daxilində açıq çat var.

Bu çatın bir neçə mühüm nəticəsi var.

Birincisi, xarici mesajların etibarlılığı pozulur, çünki müxtəlif platformalarda bir-birinə zidd mənzərələr təqdim olunur.

İkincisi, aydın olur ki, “sülh gündəliyi” sabit təmələ malik deyil və əhəmiyyətli dərəcədə xarici aktorların iradəsindən asılıdır.

Üçüncüsü, daxili siyasi səviyyədə hakimiyyətin təqdim etdiyi “sülh və ya müharibə” ikililiyinin təsiri zəifləyir, çünki reallıq başqa mənzərəni ortaya qoyur.

Beləliklə, bu, Alen Simonyanın dolayı yolla, amma açıq şəkildə Nikol Paşinyanın irəli sürdüyü “sülh” tezisinə qarşı çıxmasıdır”, - deyə Surenyants yazıb.

Alpər Mövludoğlu
Ordu.az