Ordu.az xəbər verir ki, bu barədə İsrail ordusu bildirib.

İsrail Müdafiə Qüvvələrinin məlumatına görə, raketlər Litani çayının cənubunda yerləşən ərazidən buraxılıb. Bu zona daha əvvəl Livan rəsmiləri tərəfindən “Hizbullah” silahlarından təmizlənmiş elan edilmişdi.

İsrail ordusunun sözçüsü Aviçay Adraee bildirib ki, bu iddialar artıq yalan olduğu sübuta yetirilib. “Bu gün aydındır ki, bu bəyanat tamamilə yalan idi”, - deyə o bildirib və martın 2-dən döyüşlərin intensivləşməsindən etibarən minlərlə raketin buraxıldığını qeyd edib.

İsrail ordusu bildirib ki, bu hücumlar Livan ordusunun “Hizbullah”ın yenidən silahlanmasının qarşısını ala bilmədiyini göstərir. İsrail ordusu bunu “ciddi uğursuzluq” kimi qiymətləndirib.

İsrail qüvvələrinin məlumatına görə, cənubi Livanda əməliyyatlar zamanı İsrailə yönəlmiş hazır vəziyyətdə olan raket qurğusu məhv edilib.

Əsgərlər həmçinin tunel girişini aşkar edib və reydlər zamanı tank əleyhinə raketlər də daxil olmaqla silahlar ələ keçiriblər.

Hadisələr sərhəddə gərginliyin artdığı bir dövrdə baş verir.

“Hizbullah” İsrailə raket buraxıb və bu, Təl-Əvivə qədər hava hücumu siqnallarının işə düşməsinə səbəb olub, lakin İsrailin hava hücumundan müdafiə sistemləri raketi zərərsizləşdirib.

Sevinc Əliyeva
Ordu.az