Ordu.az xəbər verir ki, tam maliyyələşdirilən razılaşma çərçivəsində təhvilin 2030-cu ilin iyun ayına qədər tamamlanması planlaşdırılır.
Müqavilənin əhatə dairəsi və ixrac ölçüsü
Müqavilə sayı açıqlanmayan PAC-3 MSE önləyici raketləri və əlaqəli dəstək xidmətlərini əhatə edir. Razılaşmanın mühüm hissəsinin ixrac müştərilərinə yönəlmiş olduğu bildirilərkən, ümumi məbləğin təxminən 4,5 milyard dollarlıq hissəsinin Xarici Hərbi Satış (FMS) proqramı çərçivəsində beynəlxalq alıcılar tərəfindən maliyyələşdirildiyi qeyd olunub.
Tədarükçü ölkələrin kimlikləri açıqlanmayıb, lakin rəsmilər sözügedən razılaşmanın son dövrdə artan sifarişlərin davamı xarakteri daşıdığını bildiriblər.
Artan tələbat və istehsal gücü
PAC-3 MSE sistemlərinə qlobal tələbatın, xüsusilə Yaxın Şərq və Ukraynadakı münaqişələrin təsiri ilə artdığı qeyd olunur. Bu artıma uyğun olaraq “Lockheed Martin” istehsal gücünü genişləndirmə işlərini davam etdirir.
Şirkət 2025-ci ildə ümumilikdə 620 ədəd PAC-3 MSE raketi təhvil verib. Yaxın illərdə illik istehsal gücünün təxminən 2.000 ədəd səviyyəsinə çatdırılması hədəflənir.
Əvvəlki müqavilələr və inventar vəziyyəti
ABŞ-nin Müharibə Nazirliyi 2025-ci ilin sentyabrında 1.970 ədəd PAC-3 MSE raketinin tədarükünü əhatə edən ayrıca müqavilə də imzalamışdı. Yeni razılaşma hava və raketdən müdafiə sistemlərinə yönəlmiş tələbatın davam etdiyini göstərir.
Bu günə qədər təxminən 3.000 ədəd PAC-3 MSE raketi təhvil verilib və sistemin ABŞ başda olmaqla getdikcə artan sayda ölkə tərəfindən istifadə olunduğu bildirilir. Hazırda 16 ölkənin bu raket sistemini inventarında saxladığı qeyd olunur.
Sevinc Əliyeva
Ordu.az
