Ordu.az xəbər verir ki, bu barədə İsrail ordusunun (SAXAL) bəyanatında qeyd olunub.

SAXAL-ın iddialarına görə, zərbələr İslam İnqilabı Keşikçiləri Korpusunun mərkəzi obyektinə endirilib. Burada müxtəlif silahlar, o cümlədən ballistik raket buraxılış qurğuları, təyyarələri məhv etmək üçün nəzərdə tutulmuş ballistik raketlərin istehsalı, saxlanması və işlənməsi obyektləri, həmçinin hava hücumundan müdafiə sistemləri yerləşirdi.

SAXAL həmçinin bildirib ki, həftəsonu Livanda “Hizbullah”ın 140-dan çox hədəfinə zərbələr endirib.

Məlumata görə, bütün Livan ərazisində “Radvan” qüvvələrinin qərargahı və “Hizbullah”ın silah anbarları hədəfə alınıb.

Həmçinin qeyd olunub ki, zərbələr nəticəsində “Hizbullah”ın 35-dən çox üzvü həlak olub.

Sevinc Əliyeva
Ordu.az