Ordu.az xəbər verir ki, bu barədə “Axios” yazıb.

Heqset tərkibində quru qoşunlarının əsas bölmə olduğu ABŞ Silahlı Qüvvələrinin Yaxın Şərqdə qüvvələrini gücləndirdiyi və eyni zamanda İrana qarşı əməliyyatlar həyata keçirdiyi bir vaxtda Corcun vəzifədən azad edilməsinin səbəbini açıqlamayıb.

Nəşrin sitat gətirdiyi iki rəsmi bildirib ki, Corcun vəzifədən azad edilməsi “şəxslərarası toqquşma” səbəbindən baş verib.

“Axios”un məlumatına görə, Corcun istefası Müharibə Nazirliyinin rəsmiləri arasında narahatlıq yaradıb, eyni zamanda ordunun təlim və transformasiya komandanlığının rəhbəri general Devid Hodni və ordunun kapellanlar korpusunun rəhbəri general-mayor Uilyam Qrinin vəzifədən azad olunması da bu narahatlığı artırıb.

“Bu, dəli addımdır”, - deyə bir rəsmi müharibə zamanı yüksək rütbəli generalların vəzifədən azad edilməsi ilə bağlı Heqsetin qərhini şərh edib.

“Bu, mənə çox güclü və ya özünə inamlı qərar kimi görünmür. Qarşımızda dördulduzlu general var ki, aktiv şəkildə hərbi əməliyyatlar teatrına texnika və şəxsi heyət çatdırmaq üçün çalışır ki, ABŞ Silahlı Qüvvələrini qorusun, siz isə onu vəzifədən azad edirsiniz? Müharibənin ən qızğın vaxtında?”, - deyə başqa bir rəsmi “Axios”a bildirib və quru qoşunlarının keçmiş komandanı Corcu nəzərdə tutub.

Sevinc Əliyeva
Ordu.az