Ordu.az xəbər verir ki, müqavilə raket istehsalı, gəmi bazalı buraxılış qurğularının arxitekturasının inkişafı və inteqrasiya proseslərini əhatə edir.
“Zumwalt” sinfinə məxsus gəmilər hipersəs platformaya çevrilir
Proqram əsasən USS “Zumwalt” başda olmaqla “Zumwalt” sinfinə məxsus esmineslərin hipersəs uzunmənzilli zərbə platformasına çevrilməsini hədəfləyir.
Bu çərçivədə gəmilər klassik dəniz topu tapşırıqlarından uzaqlaşdırılaraq hipersəs raket daşıya biləcək şəkildə yenidən qurulur.
CPS hipersəs raket sistemi ön plana çıxır
“Conventional Prompt Strike” (CPS) sistemi yüksək sürət və manevr qabiliyyəti sayəsində müasir hava hücumundan müdafiə sistemlərinə qarşı daha yüksək sağqalma qabiliyyəti təqdim edən hipersəs silah sistemi kimi inkişaf etdirilir.
Raket raket gücləndiricisi vasitəsilə hipersəs sürətə çatdıqdan sonra ayrılan planerlə (glide vehicle) “Mach 5”dən yuxarı sürətlərdə manevr edə bilir.
İstehsal və inteqrasiya prosesi 2032-ci ilədək davam edəcək
Müqavilə mühəndislik inkişafı, sistem inteqrasiyası, sınaq fəaliyyətləri, uzunmüddətli tədarük elementləri və istehsal infrastrukturunu əhatə edir.
İşlərin 2032-ci ilədək davam etdirilməsi planlaşdırılır, istehsalın böyük hissəsi isə ABŞ-nin Kolorado ştatında yerləşən Denver müəssisələrində həyata keçiriləcək.
“Zumwalt”ın yeni rolu müəyyənləşir
“Zumwalt” sinfinə məxsus esmineslər ilkin olaraq 155 mm çaplı “Advanced Gun System” ilə təchiz olunmuşdu. Lakin sursat xərcləri səbəbindən bu konsepsiyadan imtina edildikdən sonra gəmilər üçün yeni vəzifə müəyyənləşdirilib.
Bu istiqamətdə gəmiyə hipersəs raket buraxılış qurğuları inteqrasiya edilərək uzunmənzilli dəqiq zərbə qabiliyyəti qazandırılması hədəflənir.
2026-cı ildə əməliyyat qabiliyyəti hədəflənir
ABŞ Hərbi Dəniz Qüvvələri USS “Zumwalt” üçün 2026-cı il ərzində real atış sınaqları keçirməyi və ilkin əməliyyat qabiliyyətinə çatmağı planlaşdırır.
Bu inkişaf ABŞ Hərbi Dəniz Qüvvələrinin ilk dəniz bazalı hipersəs silah platformasını istifadəyə qəbul etməsi baxımından mühüm mərhələ kimi qiymətləndirilir.
Sevinc Əliyeva
Ordu.az
