Ordu.az xəbər verir ki, bu barədə ABŞ-nin Ermənistandakı səfirliyinin bəyanatında bildirilib.

“Danışıqların başa çatması mülki nüvə energetikası sahəsində ikitərəfli əməkdaşlığın dərinləşdirilməsi istiqamətində mühüm addımdır. Bu, 2025-ci il avqustun 8-də Vaşinqtonda imzalanmış ABŞ hökuməti ilə Ermənistan hökuməti arasında enerji təhlükəsizliyi üzrə tərəfdaşlığa dair Anlaşma Memorandumunun əsas elementlərindən biridir.

Bu saziş enerji təhlükəsizliyi sahəsində ikitərəfli əməkdaşlığı genişləndirəcək, iki ölkə arasında uzunmüddətli diplomatik və iqtisadi münasibətləri möhkəmləndirəcək, həmçinin nüvə energetikası sahəsində əməkdaşlıq üçün hərtərəfli hüquqi baza təmin edəcək”, - deyə məlumatda qeyd olunub.

Bildirilib ki, Vaşinqton və İrəvan yaxın illərdə nüvə energetikası sahəsində güclü və qarşılıqlı faydalı tərəfdaşlığı inkişaf etdirməyə ümid edir.

Alpər Mövludoğlu
Ordu.az