Ordu.az xəbər verir ki, bunu bu gün “Zvartnots” hava limanında jurnalistlərlə söhbətində ABŞ-nin vitse-prezidenti Cey Di Vens gələn həftə Sülh Şurasının iclasında iştirak edib-etməyəcəyi ilə bağlı suala cavab verərkən deyib.

“Tam aydındır ki, ABŞ prezidenti dünyanın müxtəlif guşələrindən bir qrup lideri qəbul etməyə böyük həvəslə yanaşır. Mən düşünürəm ki, bu Sülh Şurası XXI əsrdə sülhün yaradılması və qorunması üçün həqiqətən yeni bir model olacaq. Birləşmiş Millətlər Təşkilatının nə qədər vacib olmasından asılı olmayaraq, ABŞ prezidentinin də dediyi kimi, BMT çox vaxt, məncə, öz bütün potensialını reallaşdıra bilməyib. Hesab edirəm ki, bu Sülh Şurası vasitəsilə ABŞ prezidenti Yaxın Şərqdə, Qəzzada davamlı sülhün bərqərar olmasına çalışır.

Lakin mən düşünürəm ki, bu təşəbbüs qarşıdakı illərdə bir çox dayanıqlı sülh sazişlərinin bağlanmasına gətirib çıxara biləcək infrastrukturların formalaşmasına da şərait yarada bilər”, - deyə o qeyd edib.

Alpər Mövludoğlu
Ordu.az