Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, nümayəndə heyətinin tərkibinə Ermənstan parlamentinin dövlət-hüquq məsələləri daimi komissiyasının sədri Vladimir Vardanyan, “Şərəfim Var” fraksiyasının rəhbəri Hayk Mamicyanyan, deputatlar Lusine Badalyan, Qarnik Danielyan və parlament aparatı rəhbərinin müavini Heğine Xaçikyan daxildir.

Qeyd edilib ki, İsveç tərəfdən işçi qrupun rəhbəri İsveç Krallığının Riksdaqının üçüncü vitse-spikeri Kerstin Lundqrendir.

“Səfər çərçivəsində tərəflər parlament nəzarəti, seçicilər və vətəndaş cəmiyyəti ilə ünsiyyət və əlaqələr, eləcə də regional və icma səviyyəsində siyasət məsələlərini müzakirə ediblər.

Ermənistan parlamentinin nümayəndə heyəti işgüzar nahar formatında Uppsala qubernatoru Stefan Atefali və İsveç Krallığının Riksdaqının sabiq sədri Byorn fon Sidov ilə görüşlər keçirib, həmçinin İsveç Krallığının Milli Audit İdarəsini ziyarət edib”, - deyə məlumatda bildirilib.

Alpər Mövludoğlu
Ordu.az