Ordu.az xəbər verir ki, ABŞ F-35-ləri daha öncə də Cənubi Koreyaya yerləşdirilib, lakin bu yerləşdirmələr məhdud müddətlər və təlimlər üçün olub.

"Yonhap" Xəbər Agentliyinin istinad etdiyi mənbəyə görə, bu dəfə təyyarələr daimi olaraq ABŞ Hərbi Hava Qüvvələrinin 8-ci Qırıcı Qanadının yerləşdiyi "Kunsan" aviabazasında yerləşdiriləcək.

Mənbə iddia edib ki, yaxın vaxtlarda burada 20 ədəd F-35-dən ibarət bölmə yerləşdiriləcək.

Əgər yekunlaşarsa, bu hərəkət hazırda Cənubi Koreyada daimi olaraq yerləşdirilən köhnə F-16 döyüş təyyarələri ilə paralel aparılacaq.

"Yonhap" Xəbər Agentliyinin məlumatına görə, F-35 qırıcılarının daimi yerləşdirilməsi Şimali Koreyanın reaksiyasına səbəb ola bilər.

Ötən ay Pxenyan ABŞ Hərbi Dəniz Qüvvələrinə məxsus aviadaşıyıcı gəminin Busana səfərindən sonra Vaşinqtonun “siyasi və hərbi təxribatları"nı pisləyib.

O, həmçinin ABŞ və Cənubi Koreyanın birgə hərbi təlimlərinin iki Koreya arasındakı münasibətlərə "mənfi təsir göstərə biləcəyi" barədə xəbərdarlıq edərək, onları "düşmən müharibəsi təlimləri" kimi xarakterizə edib.

Birləşmiş Ştatlar müttəfiqinin regional təhdidlərə qarşı müdafiə mövqeyini gücləndirmək üçün Cənubi Koreyada F-16 döyüş təyyarələrinin daimi mövcudluğunu saxlayır.

Sevinc Əliyeva
Ordu.az