Ordu.az xəbər verir ki, yanvarda 120 saniyə davam edən əvvəlki cəhdlə müqayisədə sınaq daha uzun çəkib, 16 dəqiqədən çox davam edib.

Yerüstü sınaq Hindistanın cənubundakı Heydərabad şəhərində qurulan yeni “Scramjet” Bağlantılı Sınaq Obyektində aparılıb. Hindistan Müdafiə Nazirliyi bu sınağın sistemin “tam miqyaslı uçuş qabiliyyətinə malik yanma kamerası sınağı” üçün hazır olduğunu bildirib.

“Scramjet” (supersonic combustion ramjet) mühərriki klassik “ramjet” mühərrikinin daha təkmil versiyasıdır. “Ramjet” mühərrikində hava axını yanmadan əvvəl yavaşladığı halda, “scramjet” mühərrikində yanma prosesi səsdən yüksək sürətlə baş verir. Bu sayədə 6000 km/saatdan yuxarı sürətə çatmaq mümkün olur.

Tərtibatçılar hətta saniyədə 1,5 kilometrdən çox hava sürətində yanmağı təmin etməyə imkan verən yenilikçi alov sabitləşdirmə texnikasından istifadə ediblər. Sınaqda Hindistan istehsalı olan endotermik yanacaq və yüksək temperatura davamlı termal maneə örtüyü də nümayiş etdirilib.

Müdafiə Nazirliyi bildirib ki, sınaq təkcə “scramjet” mühərrikinin uzunmüddətli fəaliyyətini yox, həm də yeni sınaq obyektinin imkanlarını təsdiqləyib.

Bu nailiyyət Hindistanın hipersəs qanadlı raketlərinin inkişafı proqramı üçün kritik bir mərhələni təmsil edir.

Sevinc Əliyeva
Ordu.az