Ordu.az xəbər verir ki, bu barədə Türkiyə KİV-ləri məlumat yayıb.
Donald Trampın rəhbərliyi altında ABŞ Avropanın təhlükəsizliyinə qarşı uzaq mövqe tutduğu üçün Aİ yeni müdafiə axtarışına başlayıb.
Ən mühüm müttəfiqini itirən Brüssel bir tərəfdən Vaşinqtonun təzyiqi, digər tərəfdən isə Moskvanın davam edən təhdidləri səbəbindən bütün diqqətini qitənin təhlükəsizliyini təkbaşına təmin etməyə yönəldib.
Bu araşdırmalar nəticəsində Aİ Komissiyası martın 19-da 2030-cu ilə qədər hərbi xərclərin, istehsalın artırılması və birgə müdafiə layihələrinə resursların ayrılması kimi elementləri özündə əks etdirən “Ağ Kitab” adlı yeni strategiyanı açıqlayıb.
Müzakirə etdiyi mövzuları və atmağı planlaşdırdığı addımları müdafiə sahəsində NATO-nun aparıcı dövlətləri ilə bölüşmək istəyən Aİ qitənin təhlükəsizliyi üçün “həmfikir ölkələr” adı altında fikir mübadiləsi platforması yaradıb.
Həm Aİ-yə namizəd ölkə, həm NATO müttəfiqi, həm də son illərdə müdafiə sənayesində əldə etdiyi nailiyyətlərlə seçilən Türkiyə də bu platformanın bir parçası olub.
Aİ Komissiyası “Ağ Kitab”da qeyd etdiyi 2023-cü il hədəflərini asanlaşdırmaq üçün Avropada Təhlükəsizlik Fəaliyyəti (SAFE) adlı 150 milyard avroluq maliyyə paketi təklif edib.
Sevinc Əliyeva
Ordu.az
