Ordu.az xəbər verir ki, bu barədə xarici KİV-lər məlumat yayıb.

Britaniya hökuməti “DragonFire” kimi qabaqcıl silah sistemləri də daxil olmaqla, əsas imkanları modernləşdirmək üçün 2,2 milyard funt-sterlinq və ya təxminən 2,8 milyard dollar məbləğində əlavə öhdəlik elan edib.

Bu fondla Britaniya 2027-ci ilə qədər müdafiə xərclərini ümumi daxili məhsulun 2,5%-nə çatdırmaq kimi uzunmüddətli hədəfinə doğru bir addım atacaq.

“DragonFire” konvensional döyüş sursatlarından istifadə etmədən hava təhlükələrini məhv etmək üçün cəmlənmiş enerji şüalarından istifadə edən lazer yönləndirməli enerji silahıdır.

Silah sisteminin raketlərə, adi döyüş sursatlarına sərfəli və davamlı bir alternativ təmin edəcəyi gözlənilir. Sistemdən atılan hər atış idarə olunan raketlərin və ya təkmil dəniz artilleriya mərmilərinin yüksək qiymətləri ilə müqayisədə cəmi bir neçə on funt-sterlinqə başa gəlir.

Sevinc Əliyeva
Ordu.az