Ordu.az xəbər verir ki, bu barədə xarici KİV-lər məlumat yayıb.

Ukraynanın cəbhə komandirlərindən biri Oleksandr Prokudin “The Independent” qəzetinə açıqlamasında deyib ki, Avropa orduları onun Moskva ilə yeni tipli müharibə adlandırdığı şeyə bacarıqlı şəkildə hazır deyil.

Prokudin qeyd edib ki, Rusiyanın Ukraynaya müdaxiləsi İkinci Dünya müharibəsi zamanı artilleriya müharibəsinin təkamülünü xatırladan silahlandırılmış robotların və insansız platformaların meydana çıxmasına işarə edir.

“2022-ci ilin fevralında genişmiqyaslı işğalın başlaması ilə NATO və müttəfiqləri özlərini hazır hiss etdilər. Amma son üç ildə Rusiya texnologiyası, innovasiyası və sursat istehsalı ilə fərqlənib. Avropa Rusiyanın əlində olanlara hazır deyil”, - deyə o bildirib.

Prokudin Avropanı müasir müharibənin tələblərinə cavab vermək üçün PUA-lar robotlar və insansız sistemlər kimi yüksək texnologiyalı hərbi aktivlərə investisiyaları artırmağa çağırıb.

Qeyd edək ki, NATO Rusiya tərəfindən artan təhlükəsizlik təhdidləri ilə üzləşir və kəşfiyyat hesabatları Moskvanın Ukraynada potensial qələbəsindən sonra Avropanın hədəfə alına biləcəyi barədə xəbərdarlıq edir.

Sevinc Əliyeva
Ordu.az