Almaniyada hakim koalisiya bir neçə həftə əvvəl dağıldı. Koalisiya sosial demokratlar, yaşıllar və liberal demokratlardan ibarət idi. Kansler Şolts Sosial Demokrat Partiyasının nümayəndəsi idi, məsələn, xarici işlər naziri Annalena Berbok Yaşıllar Partiyasını təmsil edirdi. Liberal Demokrat Partiyasından olan iqtisadiyyat nazirinin iqtisadi siyasətlə bağlı kanslerlə fikir ayrılığına düşməsindən sonra koalisiya dağıldı.

Təbii ki, Almaniyada siyasi böhran çox keçmişdən genişlənirdi. Bunun ilk siqnalları hələ iyun ayında Avropa Parlamentinə seçkilər zamanı Almaniyanın hakim koalisiya qüvvələri məğlub olanda eşidilib. Avropa Parlamentinə seçkilərdə keçmiş hakim Xristian Demokrat Partiyasının nümayəndələri, eləcə də sağçı qüvvələr qalib gəlib. Almaniyada Rusiyaya qarşı siyasətin Almaniyanın maraqlarına və iqtisadiyyatına xələl gətirdiyini düşünən sağ-mühafizəkar “Almaniya üçün Alternativ” Partiyası kifayət qədər nüfuz qazanıb və yerli hakimiyyət səviyyəsində müəyyən uğurlar əldə edib.

Şolts iki il yarımdan çox fasilədən sonra bir neçə həftə əvvəl Rusiya prezidenti Vladimir Putinə zəng edib. Şoltsun bu zəng vasitəsilə Almaniyanın siyasi böhranı məsələsində dəstək gözləyib-gözləmədiyini söyləmək çətindir. Bir şey aydındır ki, praktikada bütün Avropada kifayət qədər siyasi “qaynar cərəyan” gedir. Cəmi bir neçə gün əvvəl Fransada daha bir daxili siyasi gərginlik yaşandı, orada hakimiyyətə etimad göstərmədilər.

İndi yeni Baş nazir təyin edilib və yeni hökumət qurulacaq. Bu proseslər bəlkə də həmçinin Ukrayna müharibəsi kontekstində yox, məhz Ukrayna müharibəsinin çərçivəsində olduğu böyük dünya nizamı dəyişmələri kontekstində Avropanın qarşısında dayanan çağırışlarla bağlı olaraq obyektivdir.

Asif Cəfərov
Ordu.az