Ordu.az xəbər verir ki, Ukrayna Müdafiə Nazirliyi 2025-ci ildə Ukrayna ordusuna 30 min yeni nəsil PUA təhvil veriləcəyini bildirib.

Qeyd edilir ki, PUA-lar uzun mənzillidir və dərin zərbələr endirmək qabiliyyətinə malikdir.

Rusiyanın Ukraynanın şərqində sürətlə irəliləməsi və “Oreşnik” ballistik raketindən istifadə etməsi ilə Ukrayna havadan müdafiəni təkmilləşdirmək və hücum gücünü artırmaq üçün yeni yollar axtarır.

NATO-dan 19 yeni hava hücumundan müdafiə sistemi tələb edən Ukrayna yeni hərbi sənayesini də inkişaf etdirməyə başlayıb.

Ukrayna Müdafiə Nazirliyinin verdiyi açıqlamaya görə, Ukrayna müdafiə sənayesi xarici sərmayəçilərin töhfəsi ilə yeni nəsil, uzun mənzilli PUA-ların istehsalına başlayıb.

PUA-ların yeni nəsil texnologiyaya uyğun olduğu, avtonom əməliyyat qabiliyyəti ilə hədəfi birbaşa vurmaq qabiliyyətinə sahib olduğu bildirilib.

Sevinc Əliyeva
Ordu.az