Ordu.az xəbər verir ki, Suriyada rejim və müxalif qüvvələr arasında qarşıdurmalar tam sürətlə davam edərkən, müxalif qüvvələr Rusiyanın qabaqcıl Hava Hücumundan Müdafiə (HHM) radar sistemi olan “Podlet-K1”i Həma oxunda ələ keçiriblər.

“Podlet-K1” xüsusilə aşağı hündürlükdən gələn təhlükələri, pilotsz uçuş aparatlarını və qanadlı raketləri aşkar etmək üçün istifadə edilən yüksək texnologiyalı radar kimi tanınır.

Ələ keçirilən bu radar Rusiyanın S-400 HHM sistemi ilə inteqrasiya olunmuş şəkildə işləyir və aşağı hündürlükdəki təhlükələri erkən aşkar etməyə imkan verir. O da məlumdur ki, “Podlet-K1” Rusiyanın “Hmeymim” aviabazasının təhlükəsizliyində mühüm rol oynayır.

Suriya rejiminin 25-ci Xüsusi Təyinatlı Diviziyasına məxsus bazada yerləşən Rusiya istehsalı müasir “Podlet-K1” aşağı hündürlükdə radar sisteminin müxalif qüvvələr tərəfindən ələ keçirilməsinin rejim üçün ciddi taktiki itkiyə səbəb olduğu düşünülür.

Sevinc Əliyeva
Ordu.az