Ordu.az xəbər verir ki, saziş ölkənin ilk “Skyranger 30” atəş bölmələrinin hazırlanması və istehsalını əhatə edir.

Hər bir atəş bölməsi “Piranha” 8×8 təkərli zirehli avtomobili, “Oerlikon” “Skyranger 30” qülləsi və təkmil HHM Komandanlığı və İdarəetmə Sistemi ilə inteqrasiya ediləcək.

Bu sistemlər hərbi hissələri, komanda mərkəzlərini və döyüş əməliyyatlarını hava təhdidlərindən, o cümlədən təyyarə, helikopter və pilotsuz uçuş aparatlarından qorumaq üçün nəzərdə tutulub.

“Skyranger 30” sistemi bir sıra müasir təhlükələrə qarşı çoxyönlü və etibarlı həlli təmin edən yüksək sürətli 30 mm-lik avtomatik top və raket sisteminə malikdir.

Danimarka Müdafiə Nazirliyi inkişaf edən təhlükəsizlik çağırışlarına cavab olaraq ölkənin silahlı qüvvələrinin modernləşdirilməsi üzrə daha geniş təşəbbüsün bir hissəsi kimi layihənin əhəmiyyətini vurğulayıb.

Sevinc Əliyeva
Ordu.az