Ordu.az xəbər verir ki, NASA mühəndisləri bu tarixi missiyanın davam etməsini təmin etmək üçün diqqətli təmir işləri aparıblar və “Voyager 1”ə elmi işini yenidən başlamağa icazə veriblər.

NASA-nın ən qədim dərin kosmik missiyası olan “Voyager 1”in 47 yaşı var və hələ də aktiv elmi araşdırmalarını davam etdirir.

1970-ci illərdə yaradılan bu kosmik gəmi 15,4 milyard mil uzaqlıqda, Günəşin təsirindən kənarda ulduzlararası fəzada fəaliyyət göstərir. Lakin o bu uzun yolda bəzi texniki çətinliklərlə üzləşib.

Bu ilin əvvəlində “Voyager 1”in rabitə sistemində böyük nasazlıq baş verib. Əlaqə quran telemetriya modulunun uçuş məlumat sistemi ilə əlaqəsi kəsilmişdi.

Bu problem aprel ayında NASA mühəndisləri tərəfindən hazırlanmış həll yolu ilə aradan qaldırılıb. Nasaz çip hissəsi funksional kompüter sisteminə inteqrasiya edilib və rabitə bərpa edilib. İyun ayında “Voyager 1”in elmi cihazları yenidən işə salınıb və müşahidələrini davam etdirə bilib.

Sevinc Əliyeva
Ordu.az