"NASA" sözünə uyğun 278 nəticə tapıldı!

Avropalı ekspert: “Ermənistan-Azərbaycan sərhədində yeni bir şey baş vermir”

2019/07/15464-1564485640.jpg
Oxunub: 693     15:20     30 İyul 2019    
“KTMT-dəki münasibətlərdə təşkilatın təyinatına təsir edən mürəkkəb konfiqurasiya işləyir. Təkrar edim ki, keçmişdə ifadə edilən mövqe, yəni əməliyyat əlaqəsinin varlığı dialoq olduğu və irəliləyiş gözlənildiyi müddətdə fəaliyyət göstərirdi. Diplomatik proses dayandıqdan sonra isə keçmiş yazılı razılaşmalar qüvvədə olmur”.

Ordu.az erməni KİV-lərinə istinadən xəbər verir ki, bu barədə avropalı ekspert Treysi Cerman Ermənistan-Azərbaycan sərhədində baş verən son hadisələrə KTMT çərçivəsindən yanaşarkən bildirib.


Onun sözlərinə görə, hazırda sərhəddə yeni bir şey baş vermir, çünki keçmişdə bütün mümkün istiqamətlər üzrə dəfələrlə bənzər gərginliklər qeydə alınıb.

“Lakin Ermənistanda hakimiyyət dəyişikliyi ilə bağlı xarici siyasətdə baş verən dəyişikliklər, o cümlədən KTMT və Dağlıq Qarabağ münaqişəsi zonasında baş verənlərin məqsədi müxtəlif ola bilər. Ermənistanın yeni hakimiyyəti KTMT-də fərqli siyasət yürüdür. Uzun zaman KTMT-nin təyinatı müzakirə mövzusu olub. Belarus nümayəndəsinin namizədliyi barədə isə son vaxtlar razılığa gəliblər.

KTMT-də olan problemlər də öz təsirini göstərir. Lakin bu məsələdə vəziyyət yenilik deyil. Ona görə ki, Azərbaycanın Belarus və Qazaxıstanla daim xüsusi əlaqələri olub. Bu dövlətlərin rəhbərləri ilk dəfə deyil ki, bu təşkilatda Azərbaycanın maraqlarını önə çəkməyə çalışıblar. Hətta bəzən daha geniş mənada Rusiyaya da təzyiq ediblər. KTMT-dəki münasibətlərdə təşkilatın təyinatına təsir edən mürəkkəb konfiqurasiya işləyir. Təkrar edim ki, keçmişdə ifadə edilən mövqe, yəni əməliyyat əlaqəsinin varlığı dialoq olduğu və irəliləyiş gözlənildiyi müddətdə fəaliyyət göstərirdi. Diplomatik proses dayandıqdan sonra isə keçmiş yazılı razılaşmalar qüvvədə olmur”, - deyə Cerman vurğulayıb.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: