Pentaqon: “ABŞ təhlükəsiz zonasının mühafizə edilməsində iştirak etməyəcək”

2019/10/10497-1570262522.jpg
Oxunub: 30918     12:08     19 Oktyabr 2019    
Türkiyənin Suriyanın şimalındakı əməliyyatlarını dayandırmasına razılıq verdiyi razılaşma əsasında, Türkiyə ilə Suriyanın şimalındakı YPG terrorçuları arasında təhlükəsiz zonanın qurulması nəzərdə tutulur.

ABŞ Suriyanın şimal-şərqindəki 1000-ə yaxın əsgərinin çıxarılması haqqında qərar verib.

Pentaqon rəhbəri Mark Esper bildirib ki, bölgədə ABŞ qoşunları olmayacaq.

“Təhlükəsiz zonanın mühafizə edilməsində ABŞ qoşunları iştirak etməyəcək. Amma biz həm Türkiyə, həm də kürdlərlə əlaqədə olacayıq”, - deyə o qeyd edib.

Bununla birlikdə, ABŞ qüvvələri ərazidə hava kəşfiyyatı aparacaqlar. Bunun əsas məqsədi İŞİD terrorçularını saxlayan həbsxanalara nəzarət etməkdir.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Pentaqon   Türkiyə   Suriya  


Bizi "telegram"da izləyin