Ordu.az erməni KİV-lərinə istinadən xəbər verir ki, hazırda Qarabağ münaqişəsi ilə bağlı Ermənistan iqtidarının bir sıra variantları mövcuddur.

Təbii ki, bütün bu variantların Ermənistan və qondarma qurumun maraqlarına cavab verdiyi qeyd olunur.

Lakin məlumatlara görə, xüsusilə ATƏT-in Minsk qrupunun son bəyanatından sonra Paşinyan artıq "B" planı barədə düşünür. Bu plana əsasən ermənilər üçün o qədər də arzu olunmayan proseslərin baş verdiyi halda Paşinyan, növbəti günahsız qurban axtarışına çıxacaq. Bu dəfə həmin qurban xarici siyasətdən məsul şəxs kimi Zöhrab Mnatsakanyan olacaq.

Bu halda Paşinyan Xarici İşlər nazirini dəyişəcək. Bu isə bir tərəfdən vaxt qazanmağa, digər tərəfdən günahların bütün yükünü onun boynuna atmağa imkan verəcək.

Alpər Mövludoğlu
Ordu.az