GD MQ-9 “Reaper”lərin sensorlarını sınaqdan keçirəcək

2018/08/Reaper-Block-5-4-Jan-2018_1534940305.jpg
Oxunub: 4024     01:40     23 Avqust 2018    
“General Dynamics” ABŞ Raketdən Müdafiə Agentliyi ilə MQ-9 “Reaper” PUA-ları üçün nəzərdə tutulmuş qabaqcıl sensorların sınağına dair müqavilə imzalayıb.

Ordu.az xarici KİV-lərə istinadən xəbər verir ki, bu barədə “General Dynamics”in mətbuat xidməti məlumat yayıb.

Məlumata görə, 134 milyon dollar dəyərində olan müqavilə əsasında kompaniya MQ-9-lar üçün hazırlanmış sensorların uçuş əsnasında sınağını keçirəcək.

Sınaqlar ABŞ-ın Kaliforniya ştatında baş tutacaq və 2021-ci ilin oktyabrına qədər yekunlaşacaq.

Qeyd edək ki, “Reaper”lər MQ-1 “Predator” dronlarının xələfləri hesab edilirlər. Onlar öz sələflərinə nisbətdə daha böyükdür və daha çox silahla təchiz edilib.

Dəyanət Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: General-Dynamics   MQ-9   Reaper  


Bizi "telegram"da izləyin