Dumanın spikeri: "Astana üçlüsü İŞİD-lə mübarizədə Suriya hökumətinə kömək edib"

2018/08/1200950_1534587181.jpg
Oxunub: 1580     18:14     18 Avqust 2018    
“Rusiya, Türkiyə və İran terrorizmlə mübarizədə öz səylərini birləşdirdilər və İŞİD-ə qarşı döyüşlərdə Suriya hökumətinə kömək etdilər”.

Ordu.az TASS-a istinadən xəbər verir ki, bu fikirləri Rusiya Dövlət Dumasının spikeri Vyaçeslav Volodin səsləndirib.

Volodin Türkiyənin Ədalət və İnkişaf Partiyasının bu dəqiqələrdə baş tutan 6-cı konqresində iştirak etmək məqsədilə Ankaraya səfər edən Rusiya nümayəndə heyətinə rəhbərlik edir.

Ankarada ilk olaraq Türkiyə Böyük Millət Məclisinin spikeri Binali Yıldırımla görüşən Volodin Moskva, Ankara və Tehranın koordinasiyalı tədbirlərinin uğurlarından danışıb.

Səfər çərçivəsində nümayəndə heyətinin Türkiyənin bir sıra rəsmiləri ilə görüşlər keçirərək gündəmə uyğun müzakirələr aparması gözlənilir.

Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Türkiyə   İran   Suriya  


Bizi "telegram"da izləyin