Bakı Media Mərkəzi hərbi paraddan videoçarx hazırlayıb
Oxunub: 2567
16:26
27 İyun 2018
Bakı Media Mərkəzi Azərbaycan Silahlı Qüvvələrinin 100 illik yubileyi münasibətilə Bakıda keçirilmiş hərbi paradın canlı yayım çəkilişlərini təşkil edib.
İyunun 26-da Bakının Azadlıq meydanında Azərbaycan Silahlı Qüvvələrinin 100 illik yubileyi münasibətilə hərbi parad keçirilib. Parada Müdafiə, Daxili İşlər, Fövqəladə Hallar nazirliklərinin, Dövlət Təhlükəsizliyi, Dövlət Sərhəd və Xüsusi Dövlət Mühafizə xidmətlərinin, eləcə də Türkiyə Silahlı Qüvvələrinin parad heyətindən ibarət 4000 nəfərədək şəxsi heyəti qatılıb.
Təntənəli mərasimdə 240-dan çox hərbi texnika, 70-dən artıq uçuş vasitəsi, o cümlədən silahlanmaya yeni qəbul edilmiş ən müasir zirehli texnikalar, raket və artilleriya qurğuları, hava hücumundan müdafiə sistemləri, helikopterlər, pilotsuz uçuş aparatları kimi müxtəlif növ ən yeni silah və texnikalar, eləcə də hərbi gəmi və katerlər təqdim olunub.
Ordu.az Mərkəzin paraddan hazırladığı videoçarxı təqdim edir:
