Ordu.az xarici KİV-lərə istinadən xəbər verir ki, bu ifadələr NATO-ya üzv ölkələrin əksəriyyətində müdafiə rəsmilərinin alyansın şərq qanadındakı müharibəyə hazırlıq vəziyətini araşdırmağa təşviqedici ifadələr idi.
O vaxtdan sonra Birləşmiş Ştatlar və əsas müttəfiqlər Şimal-şərqi Avropada NATO və Rusiya arasında mövcud olan hərbi gücün qeyri-balanslı vəziyyətini aradan qaldırmaq üçün bəzi addımlar atıb. NATO-nun 2016-cı il Varşava Sammitində qəbul edilən tədbirlərlə nəticələnən Birləşmiş Ştatların Avropa Etibarlılıq/Çəkindirməçilik Təşəbbüsü nəzdindəki addımlar NATO-nun Rusiyadan doğan təhdidlərə cavab vermə qabiliyyətini əhəmiyyətli dərəcədə artırdı. Bunlardan ən əsasları aşağıdakılardır:
- 4 çoxmillətli birləşmiş silahlı döyüş qrupları – hər birində çoxsaylı NATO üzvlərinin iştirak etdiyi və Almaniya, Britaniya, Kanada və Birləşmiş Ştatlardan batalyonların rəhbərlik etdiyi bu qruplar hazırda Baltik ölkələri və Polşada yerləşdirilib.
- NATO-nun Çox Yüksək Hazırlıqlı Birgə Tapşırıq Qüvvələrinin yaradılması təkmilləşdirilmiş təlim proqramı ilə birləşdirildi.
- Niderland, Belçika və Almaniyada əvvəlcədən fəaliyyət göstərən ABŞ briqadaları və dəstək mülklərinə əlavələr edilməsi planı
Mərkəzi Avropada davamlı olaraq mövcud olan rotasiyalı olaraq yerləşdirilmiş ABŞ zirehli briqada döyüş komandaları
- Avropa miqyasında hərbi güclər üçün hərəkət azadlığını və sürətli yerləşmə imkanlarını artırma səyləri.
Lakin bəzi təhlilçilər NATO-nun qarşıdakı illərdə kollektiv şəkildə bəzi yeni tədbirlər görə biləcəyini düşünürlər. Bu tədbirlərə əsasən aşağıdakılar aid edilir:
NATO bölgədəki quru qüvvələrini gücləndirməyə davam etməlidir;
Amerikanın müttəfiqləri yeni addımlar atmalı və oynadıqları rolu artırmalıdırlar;
NATO ən müasir yer-hava raket sistemlərini məhvetmə imkanlarını artırmalıdır;
NATO-nun özünün HHM sistemlərinin də inkişafa ehtiyacı var;
NATO qüvvələri hərbi peyklər üzrə hücumlara hazır olmalıdır. Onlar kəşfiyyat, kommunikasiya və mövqe tutma, naviqasiya və zamanlama üçün əhəmiyyətlidir.
Ağalar Ağalarlı
Ordu.az
