Ordu.az 23 noyabr saat 10:30-a qədər Yaxın Şərqdə baş verən hadisələrin qısa icmalını təqdim edir.

Qısa olaraq qarşıdurmaların nəticələri haqqında:

Suriya Ərəb Ordusu və müttəfiq qüvvələr: Hələb və Şərqi Quyada “Həyat Təhrir Əş-Şam”ın müdafiə məntəqələrini atəşə tutublar; Rusiya kəşfiyyatının köməyi sayəsində İŞİD kamikadzelərinin “cihad-mobil”lərlə Əbu-Kamala hücumunun qarşısı alınıb; İdlib vilayətinin şərqində “Ən-Nüsra Cəbhəsi” terror qruplaşmasının obyektlərini ələ keçirmək üçün qüvvələr Həma vilayətinin şimalında bir araya gəlirlər.

Rusiya Aerokosmik Qüvvələri: Fərat çayının sahili boyunca Deyr əz-Zor vilayətində Salihiyyə rayonundan Dabyan qəsəbəsindəkək olan ərazilərin terrorçulardan təmizlənməsinə yardım göstəriblər.

İŞİD: Deyr əz-Zor vilayətində yerləşən Əbu-Kamal şəhəri yaxınlığında İran İnqilab Keşikçiləri Ordusunun iki komandirinin öldürülməsini bəyan edib.

“Ən-Nüsra Cəbhəsi”: Dərya şəhərində Suriya ordusu ilə atışma aparıb; iddia edilir ki, Həma vilayitinin şimal-şərqində hökumət qüvvələrinin iki tankını ələ keçirib; xristianların yaşadığı Mharde şəhəri atəşə tutulub.

Türkiyə ordusu: İdlibdə üçüncü nəzarət məntəqəsini yaradıb; PYD terrorçularının nəzarətində olan Arfini öz təhlükəsizliyi üçün əsas təhdid adlandırıb.

İraq ordusu: Əl-Anbar vilayətinin qərbində yerləşən Rəva şəhərində minalardan təmzilənmə əməliyyatı çərçivəsində üç hərbi xidmətçisini itirib.

Ağalar Qəribov
Ordu.az