Ordu.az erməni KİV-lərinə istinadən xəbər verir ki, Ermənistan müdafiə nazirliyinin kartof təchizatçıları bu il kəndlilərdən kartofun kiloqramını 65-70 drama alaraq, onu hərbi hissələrdə daha yüksək qiymətlə satıblar.

Məlumata görə, Qeğarkunik vilayətinin Norakert icmasının kartof istehsalçıları 10 gün öncə 65 drama kartof satıblar. Məsələyə etiraz edən Norakert kəndinin sakinləri qiymətin ədalətli olmasına baxmayaraq, onların bu addımı atmağa məcbur olduqlarını bildiriblər.

Kartof istehsalçılarına görə, ordunu bu istiqamətdə təmin edən şəxslər onların hesabına əla gəlir əldə edirlər. Kəndlilərdən kartof satın alan və orduya köçürən vasitəçilər 80% gəlir əldə edərək, məbləği hərbi hissə komandirləri arasında bölüşdürür və bu istiqamətdə manapoliya yaradırlar.

Alpər Mövludoğlu
Ordu.az