SİS sisteminin əsas texnologiyası Rəqəmsal Radio Tezliyi Yaddaşı (DRFM) arxitekturasıdır. Bu arxitektura radar siqnalını qeydə alaraq onu yüksək dəqiqliklə yenidən yayır və düşmən radarının hədəfə kilidlənməsini öz üzərinə yönəldir. DRFM sayəsində sistem yüksək tezlik dəqiqliyi, dinamik yenidən formalaşdırma və müxtəlif təhdidlərə qarşı proqramlaşdırıla bilən cavab çevikliyi təqdim edir.
Yenidən konfiqurasiya edilə bilən və proqramlaşdırıla bilən arxitekturası sayəsində müxtəlif təhdid profillərinə sürətli uyğunlaşma mümkündür. İstifadəçilərin tələblərinə uyğun ssenari fərdiləşdirmələri dəstəklənir. Geniş tezlik əhatə dairəsi sayəsində çoxsaylı saxta hədəf ssenariləri yaradıla bilir, “AltMod” dəstəyi vasitəsilə isə müxtəlif radar rejimləri ilə qarşılıqlı fəaliyyət təmin edilir.
Sınaq prosesləri tamamlanıb və hazırda Türkiyə Hərbi Hava Qüvvələrinə təhvil prosesi başlayıb. Eyni zamanda yeni platformalar üçün inteqrasiya mərhələləri davam edir.
Ümumi xüsusiyyətlər
Ölçülər: təxminən 1″ × 2″ × 8″
Çəki: ≤ 500 q
Enerji mənbəyi: daxili termal batareya
Texnologiya: DRFM əsaslı, yenidən proqramlaşdırıla bilən siqnal emalı
Tezlik dəstəyi: geniş spektr, “AltMod” dəstəyi
İnteqrasiya: F-16, KAAN və digər platformalarla uyğunluq
Təlim dəstəyi: nişanalma simulyasiyası, təlim proqram təminatı
Məhsulun adı: RF Aktiv Sərf Edilə Bilən Saxta Hədəf (SİS)
Qarşı nəzərdə tutulduğu təhdid: RF tuşlamalı aktiv və yarımaktiv raketlər
İş prinsipi: aktiv yayım həyata keçirərək radar kilidini öz üzərinə çəkmək
Texnologiya: DRFM, siqnal emalı, geniş tezlik spektri
Daxili termal batareyası sayəsində xarici enerji mənbəyi olmadan fəaliyyət göstərə bilir, əməliyyat şəraitində müstəqillik və çeviklik təmin edir. Uzun saxlama müddəti və minimal texniki xidmət tələbi sayəsində əməliyyat xərclərini azaldır və sistemin etibarlılığını artırır.
NATO standartlarına uyğundur və xüsusilə F-16 kimi mövcud hava platformalarına asanlıqla inteqrasiya edilə biləcək şəkildə hazırlanıb. Bundan əlavə, milli imkanlarla hazırlanmış KAAN döyüş təyyarəsinə və KIZILELMA pilotsuz döyüş təyyarəsinə inteqrasiya ediləcək şəkildə inkişaf etdirilir.
Sevinc Əliyeva
Ordu.az
