Ordu.az xəbər verir ki, raketin buraxılışı şirkətin “X” sosial şəbəkəsində canlı yayımlanıb.

NROL-179 missiyası çərçivəsində həyata keçirilən buraxılış ABŞ Hərbi Hava Qüvvələrinin Vandenberq bazasından yerli vaxtla saat 01:50-də baş tutub.

Bu, 2026-cı ildə “SpaceX” tərəfindən ABŞ kəşfiyyat strukturlarının ehtiyacları üçün həyata keçirilən üçüncü missiyadır. Daha əvvəl NROL-172 və NROL-105 missiyaları müvafiq olaraq may və yanvar aylarında icra edilmişdi.

ABŞ Milli Hərbi-Kosmik Kəşfiyyat İdarəsinin fəaliyyəti yüksək məxfilik şəraitində həyata keçirilir. Kəşfiyyat peyklərinə nəzarət edən qurum orbitə çıxarılan aparatların texniki xüsusiyyətləri və təyinatı barədə məlumat açıqlamır.

ABŞ-nin ixtisaslaşmış “Spaceflight Now” nəşri missiyada böyük ehtimalla “Starshield” peyklərinin istifadə olunduğunu yazıb. Lakin bu məlumat nə NRO, nə də “SpaceX” tərəfindən rəsmi şəkildə təsdiqlənməyib.

Sevinc Əliyeva
Ordu.az