Ordu.az xəbər verir ki, bu barədə İsveçin enerji şirkəti “Vattenfall”ın yaydığı mətbuat açıqlamasında bildirilib.
Məlumata görə, gücü 470 MVt olan üç yeni reaktor ildə təxminən 12 teravat-saat həcmində fosil yanacaq istifadə olunmadan elektrik enerjisi istehsal etməyə imkan verəcək.
Yeni obyekt “Ringhals” Atom Elektrik Stansiyasının yaxınlığında inşa ediləcək. İlk enerji blokunun 2030-cu illərin ortalarında istismara verilməsi planlaşdırılır.
Daha əvvəl “Rolls-Royce” şirkətinin Çexiya və Böyük Britaniyada da kiçik modul reaktorlar tikəcəyi barədə məlumat yayılmışdı.
Sevinc Əliyeva
Ordu.az
