Ordu.az xəbər verir ki, bu barədə Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas Kiprdə keçirilən Aİ müdafiə nazirlərinin qeyri-rəsmi toplantısının yekunlarına dair mətbuat konfransında bildirib.

Kallasın sözlərinə görə, Ukrayna bu ay ərzində 90 milyard avroluq kredit proqramından ayrılan ilk 5,9 milyard avroluq vəsaiti əldə edə biləcək.

O qeyd edib ki, ayrılacaq maliyyə əsasən pilotsuz uçuş aparatlarının istehsalı və satın alınmasına yönəldiləcək.

Avropa İttifaqı rəsmisi vurğulayıb ki, bu addım Ukraynanın müdafiə imkanlarının gücləndirilməsi məqsədi daşıyır və ayrılan vəsaitin böyük hissəsi pilotsuz sistemlər sahəsinə sərf olunacaq.

Sevinc Əliyeva
Ordu.az