Ordu.az xəbər verir ki, Fransanın paytaxtı Parisdə keçirilən “Eurosatory” sərgisi çərçivəsində MKE ilə Özbəkistan Müdafiə Sənayesi Agentliyi arasında mövcud əməkdaşlıqları qiymətləndirmək və gələcək layihələri müzakirə etmək üçün kritik görüşlər keçirilib.

Bildirilir ki, bu görüşlərdə xüsusilə NATO çaplı sursat istehsal imkanlarının Özbəkistana ötürülməsi müzakirə edilib.

Bundan əlavə, görüşlər çərçivəsində iki ölkənin müdafiə sənayesi sahəsində mövcud əməkdaşlığının təhlil edildiyi və bu əməkdaşlığın daha da gücləndirilməsi istiqamətində atılacaq addımların ətraflı müzakirə edildiyi qeyd olunub.

Bu kontekstdə NATO standartlarında sursat istehsal qabiliyyətinin Özbəkistana ötürülməsi hər iki tərəf üçün strateji əhəmiyyət kəsb edir.

Sevinc Əliyeva
Ordu.az