Ordu.az xəbər verir ki, bu barədə “Associated Press” məlumat yayıb.

Karni İrlandiyanın Baş naziri Mixel Martinlə görüşdən sonra Dublindəki Triniti Kollecində çıxışı zamanı bildirib ki, orta gücə malik dövlətlər ortaq dəyərləri bölüşən tərəfdaşlarla fəaliyyətlərini əlaqələndirməklə “öz güclərini dəfələrlə artıra” bilərlər.

O qeyd edib ki, Kanada ilə Avropa İttifaqının əhali sayı, iqtisadi potensial və müdafiə xərcləri baxımından ümumi imkanları dünyanın ən böyük güc mərkəzləri ilə müqayisə oluna bilər. Bu da onların müstəqil təsir bloku kimi çıxış etməsinə şərait yaradır.

Fransada keçiriləcək G7 sammiti öncəsi Avropa turnesi çərçivəsində Karni Fransa Prezidenti Emmanuel Makronla da danışıqlar aparıb.

Kanadanın Baş naziri bildirib ki, “yeni dünya nizamı Avropadan başlayaraq formalaşacaq” və Ottavanın Avropa İttifaqı ilə əməkdaşlığının daha da dərinləşdirildiyini vurğulayıb.

Onun sözlərinə görə, bu əməkdaşlıq Kanadanın Avropa müdafiə təşəbbüslərində iştirakını və iqtisadi əlaqələrin genişləndirilməsini də əhatə edir.

Sevinc Əliyeva
Ordu.az