Ordu.az xəbər verir ki, Səudiyyə Ərəbistanının Müdafiə Nazirliyi son saatlarda qanadlı raketi ələ keçirərək məhv etdiyini açıqlayıb.

Səudiyyə Mətbuat Agentliyinin (SPA) məlumatına görə, nazirliyin sözçüsü Türki əl-Maliki raketin uğurla ələ keçirildiyini və zərərsizləşdirildiyini təsdiqləyib.

Birləşmiş Ərəb Əmirliklərində isə Müdafiə Nazirliyi bildirib ki, ölkənin hava məkanında daxil olan pilotsuz uçuş aparatları və raketlərə qarşı hava hücumundan müdafiə sistemləri fəaliyyətə keçib.

Nazirlik X sosial şəbəkəsində yayımladığı bəyanatda qeyd edib ki, ölkənin müxtəlif bölgələrində eşidilən səslər hava hücumundan müdafiə sistemlərinin ballistik və qanadlı raketləri, eləcə də pilotsuz uçuş aparatlarını zərərsizləşdirməsi ilə bağlıdır.

Şənbə günü BƏƏ müdafiə sistemlərinin İrandan buraxılmış 23 ballistik raket və 56 pilotsuz uçuş aparatını ələ keçirdiyini açıqlamışdı.

Körfəz ölkələri fevralın 28-də ABŞ-İsrail-İran münaqişəsinin başlanmasından bəri təkrarlanan pilotsuz uçuş aparatı və raket hücumları barədə məlumat verirlər.

Sevinc Əliyeva
Ordu.az