Ordu.az xəbər verir ki, bu razılaşma ilə proqramın ümumi həcmi 462,77 milyon dollara çatıb.

İstehsal 2031-ci ilədək davam edəcək

Müqavilə çərçivəsində istehsal olunacaq M776 top lülələrinin M777A2 haubitsa parkının istismarının təmin olunması məqsədilə istifadə ediləcəyi bildirilib. İşlərin 2026-cı il martın 31-dək deyil, 2031-ci il martın 31-dək davam etdirilməsi planlaşdırılır.

Müqavilənin ABŞ ordusu adından Nyu-Cersi ştatının Nyuark şəhərində yerləşən Ordu Müqavilələri Komandanlığı tərəfindən icra olunduğu qeyd edilib.

M776 lülələri haubitsanın göstəriciləri üçün kritik əhəmiyyət daşıyır

M776 top lülələri haubitsa sistemlərinin atəş resursu, dəqiqlik səviyyəsi və davamlı atəş gücü baxımından əsas komponentlərdən biri hesab olunur. İntensiv istifadə şəraitində lülələr aşındığı üçün onların müəyyən dövrlərdə dəyişdirilməsi tələb olunur.

M777A2 haubitsaları geniş istifadəçi şəbəkəsinə malikdir

M777A2 yüngül konstruksiyası sayəsində quru, hava və dəniz yolu ilə daşına bilən 155 mm-lik yedəkdə daşınan haubitsa sistemi kimi seçilir.

Sistem ABŞ ilə yanaşı Kanada, Avstraliya və Hindistan tərəfindən də istifadə olunur. Ümumilikdə 1200-dən çox M777 haubitsasının müxtəlif ölkələrin inventarında olduğu bildirilir.

Sevinc Əliyeva
Ordu.az