Ordu.az xəbər verir ki, bu barədə “Reuters” məlumat yayıb.

Martinesin sözlərinə görə, İranda tibbi yardıma ehtiyac eksponent şəkildə artır.

“Müharibə davam etsə, travmatologiya dəstləri və digər avadanlıqlar tükənə bilər”, - deyə Qırmızı Xaç və Qırmızı Aypara əməkdaşı bildirib.

Hesabatda həmçinin qeyd olunur ki, martın 31-də İranın Zəncan vilayətində yerləşən tibb klinikası zərbə alıb.

“Bizim narahatlığımız ondan ibarətdir ki, humanitar ehtiyaclar çox sürətlə artır və ölkəyə göstərilən bütün dəstəyi təmin etmək imkanlarımız məhduddur... Ehtiyaclar eksponent şəkildə artır... Resurslar sonsuz deyil”, - deyə Mariya Martines bildirib.

O əlavə edib ki, hazırda fövqəladə ləvazimat çatışmazlığı yoxdur, lakin döyüş əməliyyatları davam edərsə, xüsusilə qiymət artımı və maliyyələşmənin yetərsizliyi nəzərə alınmaqla vəziyyət daha da pisləşəcək.

Yardım qrupu bildirir ki, onun 31 vilayətdə 100 000 xilasedicisi, həmçinin helikopterləri və xilasedici itləri var. Onlar hava hücumları zamanı yaralananlara ilk tibbi yardım göstərir və məcburi köçkünlərə dəstək verirlər.

Agentliyin məlumatına görə, 2026-cı il fevralın 28-də Yaxın Şərqdə müharibə başlayandan etibarən İranda 1900-dən çox insan həlak olub, 21 000-dən çox insan isə yaralanıb.

Sevinc Əliyeva
Ordu.az