Ermənistan KİV-i: Paşinyanın qardaşı Rusiya vətəndaşıdır, MTX yoxlayıbmı, bəlkə KQB agentidir?

2026/02/1770660000.jpg
Oxunub: 439     21:57     09 Fevral 2026    
“Hakim “Vətəndaş Müqaviləsi” partiyasının nümayəndələri Rusiya ilə əlaqələri olan şəxsləri “xarici agent” olmaqda ittiham etməyə və onları Ermənistanın suverenliyinə təhdid yaradan dairələr kimi təqdim etməyə davam etdikləri bir vaxtda, “İşxanutyun”un sərəncamına keçən sənədlər birbaşa hakimiyyətin özü üçün narahat suallar yarada bilər”.

Ordu.az xəbər verir ki, bu barədə Ermənistanın “İşxanutyun” nəşri yazıb.

Nəşrin əlində olan sənədlərə əsasən, Ermənistan Baş naziri Nikol Paşinyanın qardaşı Armen Vovayi Paşinyan Rusiya Federasiyasının vətəndaşıdır və təkcə bununla da kifayətlənmir.

“Əgər hakimiyyət illər boyu Rusiya ilə əlaqələri şübhə üçün əsas hesab edibsə, indi məntiqi sual yaranır: eyni meyarlar öz siyasi komandası və yaxın çevrəsi üçün də keçərlidirmi? Ermənistan Milli Təhlükəsizlik Xidməti Paşinyanın doğma qardaşını yoxlayıbmı, bəlkə o, KQB agentidir?”, - deyə KİV qeyd edib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Rusiya   MTX  


Bizi "telegram"da izləyin