Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, məhkəməyə erməni əsgərlərin geyimlərinin parçaları, yanmış yaşayış yerindən əmlak və ya digər əşyaların qalıqları, gilizlər və digər hərbi ləvazimatlar gətirilib.

Diqqətçəkən məqam odur ki, iş üzrə təqsirləndirilən erməni kapitan Yeğişe Hakobyanın üst geyimində yanğının heç bir izi yoxdur. Yeğişe Hakobyan məhkəməyə gətirilən gödəkçənin ona məxsus olmadığını bəyan edib.

“Gödəkçədən hətta yanğın və ya tüstü qoxusu da gəlmir”,- deyə ölmüş erməni hərbi qulluqçuların yaxınları bildiriblər.

Erməni vəkil Norayr Norikyan isə geyimin bütöv olmadığını, şalvarın isə qismən yandığını bəyan edib.

Alpər Mövludoğlu
Ordu.az