Ordu.az xəbər verir ki, bu barədə Ermənistan KİV-ləri məlumat yayıb.

Məlumata görə, Berd bölgəsində yerləşən Ermənistan Müdafiə Nazirliyinin hərbi hissə və bölmələrinin tibbi təminatı ilə bağlı vəzifələrin “Berd Tibb Mərkəzi” Qapalı Səhmdar Cəmiyyətinə həvalə edilməsi təklif olunur.

Ermənistan KİV-ləri qeyd edir ki, Berd şəhərində yerləşən Ermənistan Müdafiə Nazirliyinin hərbi birləşmələrinin tibbi təminatını daha səmərəli təşkil etmək məqsədilə 2000-ci ildə hərbi hissənin ixtisaslaşdırılmış tibb məntəqəsinin bazasında Əlahiddə Tibbi Dəstə yaradılmışdı.

Sonradan, 2019-cu ildə hərbi qulluqçuların və onların ailə üzvlərinin tibbi yardımı və xidmətini, həmçinin Berd və yaxın yaşayış məntəqələrinin əhalisi üçün stasionar və ambulator tibbi yardımın keyfiyyətini və əlçatanlığını artırmaq məqsədilə Əlahiddə Tibbi Dəstə “Berd hərbi hospitalı” dövlət müəssisəsi kimi yenidən təşkil edilmişdi.

Alpər Mövludoğlu
Ordu.az